Qendra e Kerkimit Online e ICMP

Në rastin e parë, OIC bën të mundur mbledhjen dhe ruajtjen e informacionit bazë biografik në lidhje me një person që eshte I zhdukur – emrin, datën dhe vendin e lindjes, përshkrimin fizik, emrat e anëtarëve të familjes dhe rrethanat (ku këto janë të njohura) kur personi është parë për herë të fundit, së bashku me çdo informacion tjetër që mund të duket relevant për rastin. Në varësi të shkallës së aksesit që personi që raporton këtë informacion është përgatitur të lejojë, informacioni mund të aksesohet nga individë ose agjenci që kanë për detyrë të llogarisin personat e zhdukur, si autoritetet qeveritare, policia, apo shërbimet e shpëtimit.

Në fushat ku ICMP po operon një program në bashkëpunim me autoritetet përkatëse, informacioni biografik që është regjistruar në OIC mund të aksesohet dhe të shqyrtohet si pjesë e një përpjekjeje sistematike për të dhënë llogari për personat e zhdukur. Informacioni i ruajtur do të përdoret vetëm në këtë mënyrë me lejen e shprehur të atyre që fillimisht i dhanë informacionin OIC-së.

Ky informacion biografik mund të jetë i rëndësishëm në gjetjen dhe identifikimin e individëve që mungojnë, por që janë ende gjallë. Ajo mund të jetë gjithashtu e rëndësishme në gjetjen dhe identifikimin e individëve që kanë vdekur.

Përveç ruajtjes së informacionit biografik, OIC u mundëson përdoruesve të ndjekin statusin e përpjekjeve për të identifikuar individët që përdorin teknikat e përputhjes së ADN-së, në rastet që lidhen me një vend apo rajon ku ICMP ka një marrëveshje me autoritetet për të operuar ose për të marrë pjesë në një program identifikimi të ADN-së.

Profilet gjenetike krijohen duke nxjerrë dhe analizuar ADN-në. ADN-ja mund të nxirret nga mostrat e gjakut ose peshtymes të dhëna nga anëtarët e familjes së të zhdukurve dhe gjithashtu nga mostrat e indeve, të tilla si kocka, të mbetjeve njerëzore. Kur profilet e ADN-së nga mostrat familjare përputhen me profilet e ADN-së nga mbetjet njerëzore, bëhet e mundur të përcaktohet identiteti i personit të humbur me një shkallë jashtëzakonisht të lartë sigurie.

ICMP operon vetëm programe të përputhjes së ADN-së në disa pjesë të botës.

ICMP punon me organizatat e shoqërisë civile si familjet e të zhdukurve, me autoritetet përkatëse dhe me organizatat që janë të përfshira në përpjekjen për të dhënë llogari për personat e zhdukur. ICMP ndan të dhëna me partnerët vetëm nëse ka marrë leje për ta bërë këtë nga individët që kanë dhënë këto të dhëna. Ju lutemi shikoni politikën e ICMP-së mbi përpunimin dhe mbrojtjen e të dhënave personale për informacione të hollësishme se si përpunohen dhe mbrohen të dhënat personale nga ICMP.

Kthehu